සංඝ විනය කර්ම සිදු කෙරෙන

ශ්‍රී ගෞතම සම්බුදුරජුන් විසින් මහා පරිනිබ්බාන සූත්‍ර දේශනාවේ දී භික්ෂූන් වහන්සේලාහට වදාරන ලද සප්ත අපරිහානීය ධර්මයන්හි සඳහන් “නිතර රැස්වීම, සමගියෙන් රැස්වීම, සමගියෙන් විසිර යෑම සහ සමගියෙන් සංඝ කර්ම සිදු කිරීම” යන බුදු සසුනේ චිරස්ථිතිය පිණිස පවතින ධර්මයන් ප්‍රායෝගිකව ක්‍රියාවට නැංවීම සිදු වන්නේ විනය කර්මයන් තුළින් ය. බුදුරජුන් දිවමන්ව වැඩසිටි යුගයේ සිට අද දක්වාම ථේරවාදී භික්ෂු සංඝයා විසින් බුද්ධානුසාසනාවට අනුකූලව උපෝසථ කර්ම, පවාරණ කර්ම, උපසම්පදා කර්ම ආදී විනය කර්මයන් මනාකොට සිදු කරමින් උතුම් සම්බුදු සසුන ලොව ආරක්ෂා කරන ලදී. ධර්ම විනයට අනුලොම් ලෙසින් විනය කර්මයක් නිවැරදිව සහ පහසුවෙන් සිදු කිරීම සඳහා විහාරස්ථානයක තිබිය යුතු අත්‍යවශ්‍ය විහාරාංගයක් වනුයේ එම විහාරය පිහිටි ගම්කතෙහි වැඩසිටින්නා වූ භික්ෂු සංඝයා විසින් සමගියෙන් රැස්වී සම්මත කරන ලද විනය සීමාවක් තුළ ඉදි කරන ලද සීමා මාලකයකි. 

වත්තේගම, ගෝතමචේතිය මංගලගිරි ආරණ්‍ය සේනාසනයේ වැඩසිටින භික්ෂූන් වහන්සේලාහට පිරිසිදු ලෙස විනය කර්ම සිදු කරමින් සාසනික වත්පිළිවෙත් පහසුවෙන් පූරණය කිරීමට අනුග්‍රහ පිණිස අඩි 16 * 22 ප්‍රමාණයේ දෙමහල් සීමා මාලකයක් අභිනවයෙන් ඉදිකිරීමට සැලසුම් කොට තිබේ. මෙම සීමා මාලකය ඉදිකිරිම සඳහා වන ඇස්තමේන්තුගත වියදම රු. ලක්ෂ 65.4ක් වන අතර එම සම්පූර්ණ මුදල රු. 6,000 කොටස් 1090 ක් ​ඔස්සේ බෙදා ගත හැක වේ. මෙම ශාසනික කර්තව්‍යය සඳහා ශක්ති පමණින් දායකත්වය ලබා දීමෙන් ගෞතම බුදුසසුනේ චිරස්ථිතිය පිණිස පවතින මහා පුණ්‍ය කටයුත්තක කොටස් කරුවන් වීමට සත්පුරුෂ සැදැහැවත් පින්වතුන්හට අවස්ථාව තිබේ.