දීපං කයිරාථ මේධාවී - යං ඕඝෝ නාභිකීරති
ගෝතමචේතිය ථේරවාද බෞද්ධ සංසදය
Gothamachethiya Theravada Buddhist Association
ගෝතමචේතිය ථේරවාද බෞද්ධ සංසදය යනු අප ශාස්තෘ වූ ගෞතම සම්මා සම්බුදු රජුන් විසින් පිහිටුවන ලද, පුරා පන්සිය වසක් ක්ෂීණාශ්රව මහා රහතන් වහන්සේලා ධර්ම සංගායනා සතරකින් මනා කොට ආරක්ෂාකොට පුස්තකාරූඪකොට ලොවට දායාද කළ, ලක්දිව මහාවිහාර වංශික මහා සඟරුවන දිවිහිමියෙන් රැකගත් සුපිරිසිදු ථේරවාද සම්බුදු සසුනෙහි පිළිසරණ සොයනා ගිහි පැවිදි සත්පුරුෂ පින්වතුන්ගේ එකමුතුවකි.
අපගේ සදහම් සේවාව
දහම් වැඩසටහන්
භාග්යවතුන් වහන්සේ විසින් දේශනා කළ උතුම් සදහම් මග අනුගමනය කරමින් බොහෝ දෙවිමිනිසුන්ට හිතසුව පිණිස ථේරවාද සම්බුදු සසුන ලොව පතුරුවාලීම සඳහා අප විසින් සිදු කරන කර්තව්යයන් පිළිබඳ මෙම වෙබ්අඩවිය තුලින් ඔබට දැනගත හැක. ධර්මදේශනා, ධර්මසාකච්චා සහ භාවනා වැඩසටහන්ද, බුද්ධෝපස්ථාන, සංඝෝපස්ථාන ආදී කලානුරූපී අනෙකුත් පුණ්ය කටයුතුද අප විසින් සිදු කරනු ලැබේ.
“ධම්මෝ හවේ රක්ඛති ධම්මචාරිං
ඡත්තං මහන්තං යථා වස්සකාලේ
එසානිසංසෝ ධම්මේ සුචිණ්ණේ
න දුග්ගතිං ගච්ඡති ධම්මචාරී”
°°°°°
ධර්මය වනාහි ඒකාන්තයෙන් එහි හැසිරෙන්නහු ආරක්ෂා කරයි. වැසිකල මහත් වූ ඡත්රය එය ධරන්නහු යම්සේ රකී ද එමෙනි.
ධර්මය මනාකොට ප්රගුණ කළ කල්හි මෙම ආනිශංසය වෙයි. එනම් ධම්මචාරී පුද්ගල තෙම අපායාදි දුගතියට නොයයි.
(දෙසනාහාරවිභංගය – නෙත්තිප්රකරණය)

සූත්ර හා අභිධර්ම පංතිය
භාග්යවතුන් වහන්සේ වදාල ගම්භීර ශ්රී සද්ධර්මය පිළිවෙලින් ඉගෙනීමට සෑම සෙනසුරාදා දිනකම රාත්රී 8.00 සිට 9.30 දක්වා YouTube Live හරහා අප හා එක්වන්න.

විශේෂ වැඩසටහන්
කලානුරූපීව අප විසින් සිදුකරනු ලබන භාවනා වැඩසටහන්, පුණ්ය භූමි වන්දනා, පිණ්ඩපාත දාන ආදී විශේෂ වැඩසටහන් වලට පින්වත් ඔබට සහභාගී වීමට අවස්ථාව තිබේ.

පොහොය වැඩසටහන
සෑම පුන් පොහෝ දිනෙකම වත්තේගම ගෝතමචේතිය මංගලගිරි ආරණ්ය සේනාසනයෙහි පැවැත්වෙන සීල භාවනා වැඩසටහනට පින්වත් ඔබට සහභාගී විය හැකිය.

සංඝෝපස්ථාන
වත්තේගම පිහිටි ගෝතමචේතිය මංගලගිරි ආරණ්ය සේනාසනයෙහි සංඝෝපස්ථාන කටයුතු සිදුකිරීමටත්, ශ්රමදාන සිදු කිරීමටත්, වාර්ෂික සාංඝීක දාන භාර ගැනීමටත් පින්වත් ඔබට අවස්ථාව ලබා ගත හැකිය.



